Ղազախստանի հայ համայնքի որոշ ներկայացուցիչներ ցանկություն ունեն ներդրում կատարել ՀՀ-ում. Մելքումյան
Մայիսի 22-24-ը ԱԺ պատվիրակությունը բարեկամական խմբի շրջանակներում հանդիպումներ է ունեցել Ղազախստանի մայրաքաղաք Նուր-Սուլթանում: Խմբի ղեկավար Վաղարշակ Հարությունյանն այսօր ասուլիսի ժամանակ նշեց, որ բավականին ջերմ հանդիպումներ են ունեցել, ղազախ գործընկերները շատ ոգևորված էին և պատրաստակամ են եղել հարաբերվել:
«Մենք կարևորեցինք հայ-ղազախական հարաբերությունները նոր որակի բարձրացնելը»,- ասաց նա:
Խմբի անդամ Միքայել Մելքումյանի խոսքով՝ Ղազախստանի հետ առևտրաշրջանառությունը վերջին տարում թեև կրկնապատկվել է, սակայն շատ փոքր է՝ 16-17 մլն դոլար, քանի որ ենթակառուցվածքների խնդիր կա:
Նա նշեց, որ հանդիպել են նաև հայ համայնքի ներկայացուցիչների հետ, որոնցից ոմանք ցանկություն ունեն այստեղ ներդրում կատարել. «Մենք սերտ համագործակցելու հանրավորություն ենք տեսնում առաջիկայում»:
