Վենեսուելայի իշխանություններն ու ընդդիմությունը պայմանավորվածության չեն հասել Օսլոյի հանդիպմանը
Վենեսուելայի իշխանություններն ու ընդդիմությունը պայմանավորվածությունների չեն հասել Օսլոյում կայացած հերթական հանդիպմանը: Այդ մասին հայտնել է Ազգային ասամբլեայի խոսնակ Խուան Գուայդոյի հաղորդակցությունների կենտրոնը:
«Հանդիպումն ավարտվեց առանց պայմանավորվածությունների: Մենք շնորհակալ ենք Նորվեգիայի կառավարությանն այն քաոսի հաղթահարմանն աջակցելու նրանց կամքի համար, որում գտնվում է երկիրը: Մենք պատրաստ ենք շարունակել (աշխատել) նրանց հետ միասին»,-հավելել են կենտրոնում:
Նորվեգիայի կառավարությունը մայիսի 29-ին հայտնել է Վենեսուելայի իշխանությունների ու ընդդիմության միջեւ Օսլոյում ընթացող բանակցություններում արձանագրված առաջընթացի մասին: Հաղորդագրության մեջ նշվում է, որ «կողմերը դրսեւորել են իրենց պատրաստակամությունը՝ առաջ շարժվել այս երկրի համար համաձայնեցված եւ կառուցողական լուծման որոնումներում, ինչը ներառում է քաղաքական, տնտեսական եւ ընտրական թեմաներ», հաղորդել է ՌԻԱ Նովոստին:
