Realme X. էժան առաջատար՝ շարժվող տեսախցիկով

Սարքը միավորում է առաջատար սմարթֆոնի հատկանիշները բավականին համեստ գնի հետ:

Realme-ն ներկայացրել է Realme X սմարթֆոնը, որը համարվում է ընկերության առաջին առաջատար սարքը, գրում է The Verge-ը:

Սմարթֆոնն աշխատելու  է Snapdragon 710-ի  բազայի վրա: Սարքն ունի 6.53-դյույմանոց OLED էկրան՝ Full HD լուծումով: Դիսփլեյում ներդրված է նաև մատնահետքի սկաներ:

Սմարթֆոնի հետևի մասում հիմնական 48 մեգապիքսել տեսախցիկն է՝ Sony IMX586-ը: Դիմային տեսախցիկը (16 MP) թաքնված է էկրանի վրա հատուկ ճեղքում:  Լուսանկարներ անելու համար դիմային տեսախցիկը շարժվում է:

Մարտկոցի հզորությունը կազմում է 3765 մԱհ,  գործում է Oppo VOOC 3.0 արագ լիցքավորման համակարգ:

Հեռախոսը հասանելի կլինի երեք կոնֆիգուրացիաներով` տարբեր ներքին հիշողություններով և  RAM-ի չափով: Ամենափոքրը կունենա 4 Գբ օպերատիվ հիշողություն և 64 ԳԲ հիշողություն, միջինը` 6 ԳԲ և 64 ԳԲ, իսկ առավելագույնը` 8 ԳԲ և 128 ԳԲ:

Realme X-ի պաշտոնական արժեքը դեռևս հայտնի չէ: The Verge-ը նշում է, որ բազային մոդելի գինը կկազմի շուրջ 220-260 դոլար:

Չինաստանում գադջետի վաճառքը կսկսվի մայիսի 20-ին:

Սիրարփի Աղաբաբյան