«Ռեալը» կհայտարարի Ազարի տրանսֆերի մասին մայիսի 29-ից հետո
«Չելսիի» կիսապաշտպան Էդեն Ազարը կարիերան կշարունակի Մադրիդի «Ռեալում»:
Մադրիդյան ակումբն արդեն մի քանի ամիս առաջ լոնդոնցիների հետ պայմանավորվել է Ազարի տրանսֆերի վերաբերյալ և 28-ամյա բելգիացի կիսապաշտպանի հետ համաձայնեցրել է պայմանագիրը:
Ինչպես հաղորդում է L’Équipe-ը, տեղափոխության մասին պաշտոնապես կհայտարարվի մայիսի 29-ից հետո: Այդ օրը Բաքվում «Չելսին» «Արսենալի» հետ եզրափակիչ խաղով կավարտի Եվրոպայի լիգան:
Ազարի համար «Ռեալը» կվճարի մոտ 100 մլն եվրո:
Պատրաստեց Անի Գաբուզյանը
