Նիկոլ Փաշինյանը պնդում է, որ ինքը չի թույլատրել, որպեսզի Դավիթ Սանասարյանի գործը փոխանցվի ՀՔԾ
Այսօր ասուլիսի ժամանակ ՀՀ վարչապետ Նիկոլ Փաշինյանն անդրադառնալով Դավիթ Սանասարյանի գործին, տեղեկացրեց, որ ԱԱԾ տնօրենը սկզբում իրեն մի քանի անգամ առաջարկել է գործը փոխանցել Հատուկ քննչական ծառայությանը, նաև այն պատճառով, որ ԱԱԾ-ում «նեղվում են այդ կասկածներից», որ գործի քննությունը ոչ օբյեկտիվ է, բայց ինքը դեմ է եղել:
«Կստացվի, որ մենք կառավարության ներսում ի վիճակի չենք քննել մեզ վերաբերող գործերը: Այսինքն՝ մենք չունենք քաղաքական կամք, և ուրիշը պետք է մեզ հետ կապված քրեական գործերը քննի»,- ասաց Ն.Փաշինյանը:
Սակայն, ըստ նրա, եթե օբյեկտիվության համար պետք է գործը գնա ՀՔԾ, ինքը բացարձակ խնդիր չի տեսնում:
Վարչապետը բացառեց, որ որևէ մեկը որևէ մեկի ոտքի տակը քանդի.
«Չի կարող այդպիսի երևույթ լինել, չի կարող գործը օբյեկտիվ չքննվել: Սանասարյանն իմ ընկերն էլ ա, ու ի՞նչ»:
Ն.Փաշինյանը հիշեցրեց, որ մի քանի անգամ ասել է, որ եթե իր ընտանիքի անդամին էլ վերաբերի, նշանակություն չունի. «ՀՀ-ում չի կարող լինել ընկերապետություն»:
Նա հորդորեց քաղաքական հաշվարկներ չփնտրել:
Վարչապետը նշեց, որ իր ունեցած տվյալներով, և իր աղբյուրը միակողմանի չի, միայն ԱԱԾ-ն չի, որ ասում են «քյոհնա ԱԱԾ-ականներ են, կխաբեն», նաև իր թիմակիցներն են իր աղբյուրը, խոսել է նաև Դավիթ Սանասարյանի հետ: Նա բացառեց ոչ օբյեկտիվ քննությունը, հակառակ դեպքում պատիժ է սպասում:
