Կատարը դժգոհ է ՊՍԺ-ից և կարող է կրճատել ֆինանսավորումը

Կատարի կառավարությունը կարող է կրճատել ՊՍԺ-ի ֆինանսավորումը՝ ակումբի կերպարից և գործունեությունից դժգոհության պատճառով:

Ինչպես հաղորդում է Le Parisien-ը, Qatar Sports Investments հիմնադրամը հաշվի է առնում Չեմպիոնների լիգայի փլեյ-օֆֆում թիմի անհաջող ելույթը և բացասական կերպարը, որն առաջացել է ՊՍԺ-ի շուրջ ֆինանսական ֆեյր-փլեյի խախտումների մասին հրապարակումից հետո: Կատարում հույս ունեին, որ իրենց մեծ ծախսերի շնորհիվ ակումբը ճանաչում կստանա, բայց դա տեղի չունեցավ:

Նշվում է, որ ՊՍԺ-ն վճարում է ամենից շատ հարկերը՝ այդ ցուցանիշով առաջ անցնելով Իտալիայի, Իսպանիայի և Գերմանիայի բոլոր ակումբներից:

Պատրաստեց Անի Գաբուզյանը