Նախկինում մի քանի անգամ դատապարտված տղամարդը գողություն է կատարել
Ոստիկանության Արտաշատի բաժնի ծառայողները, օպերատիվ տվյալներն իրացնելիս, ապրիլի 26-ին, ժամը 12.10-ին, գողություն կատարելու կասկածանքով, Շահումյան գյուղից բերման են ենթարկել 1969 թ. ծնված, նախկինում 2 անգամ դատապարտված Արմեն Ա.-ին (ազատվել է հարկադիր աշխատանքից համաներումով 01.11.2018թ.):
Պարզվել է, որ Արմեն Ա.-ն և 1958 թ. ծնված, նախկինում մի քանի անգամ դատապարտված Հրաչիկ Խ.-ն մարտի 1-ից 10-ն ընկած ժամանակահատվածում ցանկապատի վրայից անցնելով՝ մտել են Արտաշատ քաղաքի Արարատյան փողոցում գտնվող շինության տարածք և այնտեղից գողացել ցանկապատի համար նախատեսված 12 ցանց՝ պատճառելով մոտ 150.000-ից 200.000 դրամ նյութական վնաս:
Տուժողը հայտնել է, որ նախկինում ոստիկանություն չի դիմել, քանի որ ցանկացել է իր ուժերով գտնել գողին:
Գողոնն առգրավված է:
Ձեռնարկվում են միջոցառումներ Հրաչիկ Խ.-ին հայտնաբերելու ուղղությամբ:
Հանգամանքները պարզվում են:
Նախապատրաստվում են նյութեր:
