Փլուզում Գյումրիում
Ապրիլի 18-ին, ժամը 11:27-ին 911 ծառայությանն ահազանգ է ստացվել, որ ապրիլի 17-ին տեղացած հորդառատ անձրևից Շիրակի մարզի Գյումրի քաղաքի Հաղթանակի պողոտայի տներից մեկի (չբնակեցված) ճակատային հատվածից և նկուղից տեղի է ունեցել փլուզում. անհրաժետ է փրկարարների օգնություն:
Դեպքի վայր են մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ և մարզային փրկարարական վարչության օպերատիվ խումբը:
Պարզվել է, որ փլուզվել են Ս.Գ.-ին պատկանող չբնակեցված տան (մոտ 200 քմ, 1920-ական թթ. կառույց) առաստաղը՝ մոտ 20 քմ, արտաքին պատը՝ մոտ 3 քմ, առաջացել են ճաքեր, առկա է հետագա փլուզման վտանգ:
Փրկարարները սահմանազատել են տարածքը:
