Կոնտեն «Ինտերից» պահանջում է տարեկան 10 մլն եվրո
«Յուվենթուսի», «Չելսիի» և Իտալիայի հավաքականի նախկին գլխավոր մարզիչ Անտոնիո Կոնտեն նշել է այն պայմանները, որոնց իրականացման դեպքում կհամաձայնի գլխավորել Միլանի «Ինտերը»:
Ըստ La Gazzetta dello Sport-ի տեղեկության՝ 49-ամյա Կոնտեն «Ինտերի» ղեկավարությունից պահանջում է տարեկան 10 մլն եվրո աշխատավարձ: Նույնպիսի աշխատավարձ նա ցանկանում է ստանալ բոլոր այն ակումբներում, որոնք իր նկատմամբ հետաքրքրություն են ցուցաբերում:
Եթե «Ինտերը» համաձայնի Կոնտեի պահանջներին, ապա վերջինս կդառնա Սերիա Ա-ի ամենաբարձր վարձատրվող մարզիչը: Մասիմիլիանո Ալեգրին «Յուվենթուսում» վաստակում է 7 մլն եվրո, իսկ Լուչանո Սպալետին «Ինտերում»՝ 4.5 մլն եվրո:
Պատրաստեց Անի Գաբուզյանը
