«Երկրում կարող է լինել միայն մեկ արտաքին քաղաքականություն, որը վարում և մշակում է կառավարությունը». Նիկոլ Փաշինյան
Կառավարության նիստում արտաքին գործերի նախարարի տեղակալ Գրիգոր Հովհաննիսյանը ներկայացրեց «Դիվանագիտական ծառայության մասին» Հայաստանի Հանրապետության օրենքում փոփոխություններ և լրացումներ կատարելու մասին» ՀՀ օրենքի նախագիծը:
«Առաջարկվող փոփոխությամբ հնարավոր կլինի ապահովել դիվանագիտական ծառայություն իրականացնող անձանց արտաքին գործերի նախարարությունից ՀՀ նախագահի և ԱԺ աշխատակազմի գործողումների և հանրային պաշտոններ զբաղեցնելու դեպքում դիվանագիտական ծառայողների կարգավիճակը»,- ասաց նա:
Նիկոլ Փաշինյանը կարևորեց նախագիծն այն առումով, որ կառավարությունը գործուղված պաշտոնյաների միջոցով պետք է ապահովի արտաքին քաղաքական գործողությունների գործունեության միասնականությունը և այդ քաղաքականությունը իր բոլոր դրսևորումներով պետք է համապատասխան լինի կառավարության որդեգրած քաղաքականությանը:
«Ակնհայտ է, որ երկրում չի կարող լինել մի քանի արտաքին քաղաքականություն, երկրում կարող է լինել միայն մեկ արտաքին քաղաքականություն, որը վարում և մշակում է կառավարությունը և պետական բոլոր մարմնները իրենց բոլոր արտաքին քաղաքական շփումներում պետք է հստակ մնան այս շրջանակի մեջ»,- ասաց նա:
