Հարավային Կորեան և ԿԺԴՀ-ն կվերականգնեն բաժանված ընտանիքների հանդիպումների տեսակենտրոնները
Կորեայի Հանրապետությունն ապրիլին կսկսի այն կենտրոնների նորոգման եւ արդիականացման աշխատանքները, որոնք նախատեսված են Կորեական պատերազմի հետեւանքով բաժանված ընտանիքների անդամների հանդիպումների անցկացման համար: Ապրիլի 2-ին այս մասին հայտնել է Հարավային Կորեայի միավորման նախարարությունը։
«13 կենտրոններում աշխատանքները կսկսվեն չորեքշաբթի օրը եւ կավարտվեն ընթացիկ ամսվա վերջին»,- ասված է հաղորդագրության մեջ: Նախարարությունը նշում է, որ զուգահեռաբար պլանավորվում է Փհենյանի ներկայացուցիչների հետ քննարկել ԿԺԴՀ-ում այդ կենտրոնների նորոգման եւ արդիականացման հարցերը:
Բաժանված ընտանիքների խնդիրն ամենահրատապ հումանիտար հարցերից մեկն է միջկորեական հարաբերություններում, քանի որ այդ քաղաքացիների միջին տարիքը գերազանցում է 80-ը, եւ տարեցտարի նրանց թիվն ավելի ու ավելի է փոքրանում, հաղորդել է ՏԱՍՍ-ը:
