Ղազախստանի նոր նախագահը Ռուսաստան կայցելի ապրիլի 3-ին
Ղազախստանի նախագահ Քասըմ-Ժոմարտ Տոկաեւը ապրիլի 3-ին պաշտոնական այցով կժամանի Ռուսաստան: Այդ մասին հայտնել է նրա մամուլի ծառայությունը: Դա կլինի պետության ղեկավարի կարգավիճակում Տոկաեւի առաջին արտասահմանյան ուղեւորությունը:
«Ծրագրի գլխավոր կետը կդառնան բանակցությունները ՌԴ նախագահ Վլադիմիր Պուտինի հետ»,- ճշտվում է մամուլի տեղեկագրում: Երկու ղեկավարների հանդիպման օրակարգը բովանդակում է քաղաքական, առեւտրատնտեսական եւ մշակութային-հումանիտար ոլորտներում երկկողմ համագործակցության հարցերը, ինչպես նաեւ տարածաշրջանային ու միջազգային հրատապ թեմաները:
Այցի արդյունքներով պլանավորվում է երկկողմ փաստաթղթերի ստորագրում: Տոկաեւը Ղազախստանը գլխավորել է Նուրսուլթան Նազարբաեւի պաշտոնաթողությունից հետո: Հաջորդ տարի երկրում պետք է անցկացվեն նախագահական ընտրություններ, հաղորդել է ՌԻԱ Նովոստին:
