Զիդանը համոզել է Ազարին տեղափոխվել «Ռեալ»
Ինչպես հաղորդում է Metro-ն, «Արքայական ակումբ» տեղափոխության վերաբերյալ Մադրիդի «Ռեալի» գլխավոր մարզիչ Զինեդին Զիդանը զրուցել է Լոնդոնի «Չելսիի» բելգիացի հարձակվող Էդեն Ազարի հետ:
Ըստ աղբյուրի տվյալների՝ ֆրանսիացի մասնագետը համոզել է Ազարին ամառային տրանսֆերային պատուհանի ընթացքում միանալ թիմին:
Ավելի վաղ հաղորդվել էր, որ «Չելսին» մերժել է «Ռեալի»՝ 82 մլն եվրո արժողությամբ առաջարկը, բայց բաց է քննարկումների առաջ 115 մլն եվրոյի դեպքում:
28-ամյա Ազարը «Չելսի» է տեղափոխվել 2012 թվականին: Անգլիայի առաջնության ընթացիկ մրցաշրջանում անցկացրած 29 խաղերում Ազարը դարձել է 13 գոլի և 11 արդյունավետ փոխանցման հեղինակ:
Պատրաստեց Անի Գաբուզյանը
