«Որպեսզի մենք առաջ գնանք, ճիշտ կլինի, որ մեր հարգելի մայրերին ներկայացնեն նրանց փաստաբանները, որ գան ասեն՝ էս նախաքննության մեջ ինչն է սխալ ու ինչն այնպես չի արվել»
ՀՀ վարչապետ Նիկոլ Փաշինյանն այսօր լրագրողների հետ հանդիպման ժամանակ անդրադարձավ բանակում ոչ հակառակորդի գնդակից զավակներ կորցրած մայրերի դժգոհությանն ու բանակում բարեփոխումների խնդիրներին։
«Որպեսզի մենք առաջ գնանք, ճիշտ կլինի, որ մեր հարգելի մայրերին ներկայացնեն նրանց փաստաբանները, որ գան ասեն՝ էս նախաքննության մեջ ինչն է սխալ ու ինչն այնպես չի արվել, որ մենք անենք, ու արդյունքում ճշմարտությունը բացահայտենք»,- ասաց Ն.Փաշինյանը։
Ըստ նրա՝ ինքը երաշխավոր է նախաքննության արդարության, բայց պետք է կռվան լինի։
Վարչապետը կարևորեց բանակի բարեփոխումները, որոնք պետք է շարունակական լինեն և դրա նպատակը պետք է լինի զինվորի պայմանների բարելավումը։
