«Մյուս տարի կմտածենք քիմիաթերապիայի և ճառագայթային թերապիայի վրայից համավճարը հանելու մասին». Արսեն Թորոսյան
Այսօր կառավարության նիստի սկզբում ՀՀ առողջապահության նախարար Արսեն Թորոսյանն անդրադարձավ ուռուցքաբանության ոլորտում վիրահատությունների անվճար դառնալու մասին հարցին:
Նա նշեց, որ չարորակ ուռուցքների դեպքում վիրահատության համար համավճար է եղել, պետպատվերի մասնաբաժինը շատ փոքր է եղել:
Ա.Թորոսյանի խոսքով՝ այս տարի առողջապահության բյուջեի աճի շրջանակներում մոտ 700 մլն կուղղվի ուռուցքաբանության ոլորտին, բայց վիրահատությունները կատարվելու են միայն այն կլինիկաներում, որոնք կբավարարեն ներկայացվող չափանիշներին:
«Մյուս տարի կմտածենք քիմիաթերապիայի և ճառագայթային թերապիայի վրայից համավճարը հանելու մասին»,- ասաց նախարարը:
