«Գրավի չափ չենք առաջարկել, թողել ենք դատավորի հայեցողությանը». Ռոբերտ Քոչարյանի պաշտպան
«Սովորական միջնորություն ենք ներկայացնում՝ գրավ կիրառելու վերաբերյալ»,- այսօր Երևան քաղաքի ընդհանուր իրավասության դատարանի Շենգավիթ նստավայրում լրագրողների հետ զրույցում ասաց Ռոբերտ Քոչարյանի պաշտպան Հայկ Ալումյանը։
Հարցին՝ ի՞նչ հավանականություն կա, որ միջնորությունը կընդունվի, նա պատասխանեց. «Ոչ մի ձևով չեմ կարող անգամ մոտավոր գնահատել»։
Նա նաև չգիտի՝ դատարանն այսօր կհասցնի՞ որոշում կայացնել, թե՞ ոչ։
«Գրավի չափ չենք առաջարկել, թողել ենք դատավորի հայեցողությանը»,- ասաց նա՝ հավելելով՝ դատավորի ազգանունը Բաղդասարյան է։
