Միլանում հրդեհ է բռնկել ծերանոցում, տուժել է 18 մարդ
Դեկտեմբերի լույս 28-ի գիշերը Միլանում հրդեհ է բռնկել ծերանոցում. տուժել է 18 մարդ, այդ թվում՝ մեկը հիվանդանոց է տեղափոխվել ծանր վիճակում: Այդ մասին հայտնել են Լոմբարդիայի փրկարարները:
Հրդեհը դեկտեմբերի 27-ի ուշ երեկոյան սկսվել է տարեց մարդկանց խնամքի հաստատությունում: Ենթադրվում է, որ բռնկումն առաջացել է առավել ուժեղ այրվածքներ ստացած պացիենտի սենյակում: Նախնական վարկածի համաձայն, հրդեհի պատճառ է դարձել չմարած սիգարետը: Հրդեհի պատճառով տարհանվել է ամբողջ բաժանմունքը, հաղորդել է ՌԻԱ Նովոստին:
