Հրդեհ Հրազդանում. ամբողջությամբ այրվել են ինքնաշեն շինությունը, մոտ 30 հավ
Նոյեմբերի 18-ին` ժամը 20:07-ին, «911» ծառայությանն ահազանգ է ստացվել, որ հրդեհ է բռնկվել Կոտայքի մարզի Հրազդան քաղաքի Միկրոշրջան թաղամասի հին շուկայի մոտակայքում:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ հրդեհ է բռնկվել Միկրոշրջան թաղամասի թիվ 7 շենքին հարակից ինքնաշեն շինությունում:
Հրդեհը մեկուսացվել է ժամը 20:50-ին, մարվել՝ 21:30-ին:
Ամբողջությամբ այրվել է ինքնաշեն շինությունը` մոտ 6 քմ, ներսում՝ մոտ 30 հավ:
