Հացթուխը հարձակվել է խանութի մենեջերի վրա և հափշտակել խանութի բանալիները
«Փաստինֆո»-ի տեղեկություններով՝ նախօրեին ավազայկին հաձարկման է ենթարկվել խանութի մենեջերը, իսկ կասկածյալը՝ նույն խանութի հացթուխն է։
Կայքին հաջողվեց պարզել, որ հացթուխը մենեջերի տան մուտքի մոտ սպասել է նրան ու հենց աստիճանահարթակի վրա հարձակվել տուն վերադարձող մենեջերի վրա։ Վերջինիս հացթուխը ծեծել է, հափշտակել խանութի բանալիները, հեռախոսն ու դիմել փախուստի։
Խանութի մենեջերը մարմնական վնասվածքներով տեղափոխվել է հիվանդանոց։
Դեպքի առթիվ ՀՀ ՔԿ Ավան և Նոր Նորք վարչական շրջանների քննչական բաժնում հարուցվել է քրեական գործ՝ ավազակային հարձակման դեպքի առթիվ։ Հացթուխին, ով 21 տարեկան երիտասարդ է, ոստիկանները հայտնաբերել են։ Նա ձերբակալվել է։
