«Եթե վաղը այս ընտրությունները բողոքարկվեն ՄԻԵԴ…». Գևորգ Կոստանյանի նախազգուշացումը
«Պառլամենտական ընտրություններն այն ընտրություններն են, որոնք Եվրոպական դատարանում ենթակա են բողոքարկման»,- այսօր ԱԺ պետաիրավական և մարդու իրավունքների հարցերի մշտական հանձնաժողովում Ընտրական օրենսգրքի փոփոխությունների փաթեթի քննարկման ժամանակ հայտարարեց հանձնաժողովի նախագահ Գևորգ Կոստանյանը:
Ըստ նրա՝ ցանկացած ուժ կարող է բողոքարկել ընտրությունների արդյունքները ՄԻԵԴ-ում, հետևաբար՝ դրա ընդունման համար անհրաժեշտ է օրինականության երաշխավորում, նաև ՄԻԵԴ-ի նախադեպերին համապատասխան, որ եթե վաղը այս ընտրությունները բողոքարկվեն ՄԻԵԴ, կասկած չլինի կոնվենցիային համապատասխանելու մասով.
«Դրա համար ես կոչ եմ անում բոլոր կանոնակարգումներին ուշադրություն դարձնել»:
ՀՀ արդարադատության նախարարի պաշտոնակատար Արտակ Զեյնալյանը վստահեցրեց, որ ՄԻԵԴ կանոնակարգերի խախտում թույլ չեն տալիս:
