Թայվանի իշխանությունները հաստատեցին ատոմային էներգետիկայից՝ կղզու հրաժարվելու պլանները
Թայվանի կառավարությունը հաստատել է ոչ միջուկային դառնալու եւ մինչեւ 2025 թվականն իր բոլոր ատոմակայանները շահագործումից հանելու՝ կղզու պլանները: Այս մասին հայտարարել է Թայվանի վարչակազմի ղեկավարի տեղակալ Չեն Ցզյանժենը:
«Մենք մեր առժեւ խնդիր ենք դրել. մինչեւ 2025 թվականը հրաժարվել միջուկային էներգետիկայից, ըստ ամենայնի առաջ մղել «կանաչ» էներգետիկայի զարգացումը»,- ընդգծել է քաղաքական գործիչը՝ օգոստոսի 21-ին ելույթ ունենալով Թայբեյում կայացած բնապահպանական համաժողովում:
Ներկայում կղզում կա չորս ատոմային էլեկտրակայան, ներառյալ երեք գործողները: Թվով չորրորդ՝ «Լունմեն» ատոմակայանի շինարարությունը կոնսերվացվել է 2014 թվականին:
Դրան նախորդել էին զանգվածային ցույցեր, որոնց մասնակիցները պահանջել են հրաժարվել գրեթե ավարտված նախագծից՝ ելներով անվտանգության նկատառումներից: Եվ դա այն դեպքում, երբ օբյեկտում արդեն ներդրվել էր 9,7 միլիարդ դոլար:
Ենթադրվում է, որ 2018 թվականի վերջին եւ 2019 թվականի կեսերին շարքից կհանվեն «Ցզինշան» առաջին ատոմակայանի երկու ռեակտորները, որը գործարկվել է 1978 թվականին: Դրանից հետո փուլ առ փուլ կփակեն երկրորդ եւ երրորդ կայանները:
Դրանք միասին արտադրում են կղզու միագումար էլեկտրաէներգիայի մինչեւ 20 տոկոսը, հաղորդել է ՏԱՍՍ-ը:
