Գլոբալ տաքացումը բացատրել են բնական ցիկլով
Փրինսթոնի համալսարանի (ԱՄՆ) եւ Մաքս Պլանկի անվան քիմիայի ինստիտուտի (Գերմանիա) գիտնականների միջազգային խումբը հանգել է այն եզրակացության, որ վերջին 11 հազար տարում գլոբալ տաքացումը կապված է Հարավային օվկիանոսի ջրերից ածխաթթվական գազի արտազատման հետ:
շԴրա հետ մեկտեղ, այդ գործընթացը կապված չէ կլիմայական փոփոխությունների հետ, որոնք մարդու գործունեությունից առաջացել են վերջին տասնամյակներում, եւ բացատրում է սոսկ մի քանի հազար տարի առաջ հարաբերականորեն բարձր ջերմաստիճանի կայունացումը: Այս մասին հաղորդվում է Phys.org-ի մամուլի տեղեկագրում:
Հայտնի է, որ Հարավային օվկիանոսը, որը շրջապատում է Անտարկտիդան, այն տարածաշրջանն է որտեղ նկատվում է խոշորամասշտաբ ափվելինգ՝ խորքային ջրերի բարձրացում դեպի մակերեւույթ: Այստեղ ծովի ջրում լուծված ածխաթթվական գազն արտազատվում է դեպի մթնոլորտ:
Գիտնականները պարզել են, որ 11 հազար տարի առաջ տեղի է ունեցել ափվելինգի ուժեղացում, որը հանգեցրել է տաք կլիմայի կայունացման:
