Ավստրիայում մարդատար գնացքը դուրս է ընկել ռելսերից
Ավստրիայում մարդատար գնացքը դուրս է ընկել ռելսերից, ինչի հետեւանքով կարող էր տուժել մինչեւ 80 հոգի, այդ թվում՝ երեխաներ: Այդ մասին հայտնել է DE24 պորտալը:
Միջադեպը տեղի է ունեցել հունիսի 26-ին Սանկտ Պյոլտեն քաղաքի մոտ: Գնացքի երկու վագոն դուրս է ընկել երկաթուղու ռելսերից, որը Սանկտ Պյոլտենը միացնում է Մարիացել քաղաքի հետ:
Ինչպես հայտնել է հրշեջ խմբի ներկայացուցիչ Ֆրանց Մեսպերգերը, գնացքում գտնվում էր մի քանի տասնյակ մարդ, առավելապես երեխաներ: Նախնական տվյալներով՝ մեկ մարդ ծանր վերքեր է ստացել, այլ տվյալներով՝ լրջորեն տուժել է երկու հոգի, հաղորդել է ՌԻԱ Նովոստին:
