Զբաղմունքներ, որոնք կբարձրացնեն կնոջ էներգետիկան ու նրան ուժ կտան. Մաս-4

Առողջ կենսակերպ:

Արժե՞ արդյոք ասել, որ վատ սովորությունները բացասաբար են անդրադառնում կանացի էներգիայի ու գեղեցկության վրա: Վատ սովորություն կարող է լինել ոչ միայն ծխելը, այլև ուշ քնելու կամ ծուլանալու սովորությունը:

Պոեզիա:

Բանաստեղծություններ կարդալն օգնում է բացահայտել ձեր Ես-ի ռոմանտիկ կողմը: Մի ամաչեք ձեր բանաստեղծությունները կարդալ:

Թռչուններին, կենդանիներին կերակրելը:

Սեփական էներգիան բարձրացնելու շատ պարզ եղանակ է: Կերակրաման պատրաստեք: Դեղձանիկ պահեք: Այս թռչունն օգնում է երջանիկ ամուսնությանը:

Ցուցահանդես կամ թանգարան գնալը:

Ցանկացած գեղեցիկ բան կնոջը հիասքանչ է դարձնում:

Ուսուցչի հետ շփվելը:

Գնացեք սիրելի հեղինակի դասախոսությանը, մասնակցեք թրեյնինգի: Գրքերը գիտելիք են տալիս, և դա անվիճելի է, սակայն սիրելի Ուսուցչի հետ հանդիպումն էներգիա է հաղորդում:

Օրագիր:

Ամեն օր ձեր մտքերը, ցանկություններն ու նպատակները գրի առեք: Ձեր զգացմունքները կարևոր են: Մտքերը գրի առնելը, բացի կուտակված էներգիան սպառելուց, նաև նպաստում է դրանց վերլուծությանը:

Ձեր գեղեցիկ լուսանկարների ալբոմը:

Դրա մեջ փակցրեք ձեր ամենահաջող լուսանկարները ու մի ամաչեք հիանալ ձեզնով: Հիշեք, որ դուք միշտ հիասքանչ եք:

Ցանկությունների ձևակերպում:

Ձեզ համար ձևակերպեք, թե ինչ եք դուք ուզում իրականում, հատկապես հարաբերությունների մեջ: Եվ մոռացեք ասել` կարող եմ: Այն տղամարդկանց առավելությունն է: Երբ կինն է սկսում շատ մտորել «կարող եմ»-ի ոճով, նա տղամարդ է դառնում: Դրա փոխարեն ասեք` ես ուզում եմ:

Քնքուշ խոսքեր:

Սովորեք շփվել առանց ճնշման ու ագրեսիայի: Վատ խոսքերն ու հայհոյանքը չեզոքացնում են կանացի էներգիան:

Հնազանդություն:

Վեճերը, մրցումներն ու ակտիվ վարքագծի այլ կողմեր նվազեցնում են էներգիայի մակարդակը: Աշխատեք լինել մեղմ ու դիպլոմատիկ: Այդ պատճառով էլ տղամարդուն նվաճելը քայքայում է, և տղամարդն էլ չի ուզում այն կնոջը, ով նախաձեռնող է, քանի որ իր վարքագծով նա իրեն է հիշեցնում:

Սեքսուալ հարաբերություններում ընտրողականությունը:

Եթե կինը սեքսի համար մի քանի զուգընկերներ ունի, նա դատապարտված է դատարկության: Սեքսուալ հարաբերությունների մեջ մտեք միայն այն մարդու հետ, ում սիրում եք: Ամուսնուն հավատարիմ եղեք: Աշխատեք հետաձգել ծանոթությունից հետո առաջին սեքսը:

Մաքրությունը:

Մաքուր պահեք ձեր բնակարանը, մարմինն ու միտքը: Մի հավաքեք անցյալի նեգատիվ հիշողությունները: Հաճախ լոգանք ընդունեք: Մաքրությունն ուժ է տալիս:

Սիրով ներծծվելը:

Ամենակարևոր բաներից է: Եթե կինն իր սիրտն ու հոգին սիրով չի լցրել, նա էներգետիկապես թույլ է ու ոչինչ չի կարող տալ տղամարդուն: Ավելին, կխլի նաև վերջինիս էներգիան: Այստեղից էլ` տղամարդու մոտ` ֆինանսական վատ վիճակ, հիվանդություններ: Կինն իր տեսակով տվող է: Նա պետք է սիրով լի լինի:

Դեկորատիվ-կիրառական արվեստ:

Գործելը, կարելը, ինչ-որ բան սեփական ձեռքերով սարքելը բարձրացնում է ձեր կանացի էներգիան:

Ինքդ քեզ ու այլ կանանց հաճոյախոսություններ անելը:

Բարի խոսքը մեզ ուժեղ է դարձնում: Եթե ձեզ համար դժվար է այլ կանանց մասին ինչ-որ լավ բան ասել, լուծեք այդ հարցը: Դա կարող է հետագայում մոր, սկեսրոջ ու դստեր հետ հարաբերություններում բարդության պատճառ հանդիսանալ:

Սիրո դրսևորում ցանկացած ձևով, ցանկացած ժամանակ:

Գրկեք, համբուրեք ձեր սիրելիներին: Սիրո խոսքեր ասեք աշխարհին, մարդկանց, արևին, գարնանային քամուն, անձրևին ու անգամ ձեր տխրությանը, քանի որ նա ձեր ուսուցիչն է: Ցանկացած պայքար քամում է կնոջը:

Ծաղկեփնջերի կազմում:

Ծաղիկների հետ աշխատանքը նոր ուժի լիցք է տալիս, նորացում ու ծաղկում:

Ճիշտ սննդակարգ:

Օգտագործեք քիչ մշակման ենթարկված ու բնությանն ավելի մոտ գտնվող մթերքներ:

Գուրգուրանք ու քնքշանք:

Նուրբ հպումներն օգնում են կնոջը հասկանալ ու ճանաչել ինքն իրեն:

Ինքդ քեզ հետ միայնակ գտնվելը:

Մի վախեցեք այն պահերից, երբ դուք լրիվ մենակ եք մնում: Մի ամուսնացեք միայն միայնության զգացումից ելնելով: Այդ ժամանակն օգտագործեք ինքներդ ձեզնով զբաղվելու համար: Բնությունն արդեն իսկ հոգացել է ամենամսյա շրջանի մասին, երբ կինը պետք է մտածի միայն իր մասին:

Փափուկ խաղալիք:

Ձեզ մի մեղադրեք այն բանի համար, որ դուք մինչ այժմ քնում եք փափուկ արջուկ գրկած: Կնոջ համար վնասակար է քնել միայնության մեջ, իսկ խաղալիքը ջերմության զգացողություն է տալիս: Խաղալիք գնեք ձեզ համար, եթե ջերմության ու ուշադրության պակաս եք զգում:

Սովորեք աշխատել Լուսնի էներգիայի հետ:

Լուսնի լույսի ներքո կանգնեք փողոցում, լուսնի շողերով լիցքավորեք ջուրը ու այն հետո լցրեք լոգարանի մեջ: Կանացի խնդիրներ ունենալիս դիմեք Լուսնին:

Բացիկ՝ առանց առիթի:

Ինչ-որ մեկին ուշադրության նշան ցույց տալով` դուք ինքներդ կլիանաք: Հիշում ենք. Կինն իր բնույթով տվող է, տալիս՝ լցվում է:

Բարեգործություն:

Դա իսկապես կանացի էներգիայի արտահայտություն է: Եթե դուք կարող եք ինչ-որ բանով օգնել մարդուն, արեք դա:

Փոխեք մազերի գույնը:

Եթե ձեր անձնական կյանքում տևական դադար է, այցելեք ոճաբանին:

Բույրեր:

Ձեզնից միշտ պետք է ելնի հաճելի բույրի աուրան: Կինը ծաղիկ է: Նոր օծանելիք գնելն ու բույրի ընտրությունն ուժեղացնում է կանացի էներգիան:

Արժանապատվություն:

Վստահ եղեք ձեր բացառիկության մեջ: Ըստ Վեդաների` Կինը լավագույնն է, ինչ կարողացել է ստեղծել Արարիչը: Դուք հիասքանչ եք: Դուք գրավիչ եք: Դուք կին եք:

Մաս 1-ը՝ այստեղ.

Մաս 2-ը՝ այստեղ.

Մաս 3-ը՝ այստեղ.

Նյութը հրապարակման պատրաստեց Սոֆա Պետրոսյանը