Խցանված կոյուղագծերը՝ բնակիչների մտահոգության պատճառ
«Այսօր» լրատվականի հերթական ահազանգը. բողոքում են Շիրակշին 3-րդ բանավան թաղամասի բնակիչները: Շուրջ 30 տարի է, ինչ այս տարածքում նույն խնդիրն առկա է. մշտապես խցանվում են կոյուղագծերը: Արդեն 5 ամիս է, ինչ դրանք կրկին խցանված են: Առաջացած ջրափոսն էլ մեծ վտանգ է ներկայացնում դրսում խաղացող երեխաների համար: Բնակիչների պահանջն է շուտափույթ վերացնել վթարը: Խնդրով դիմել են «Վեոլիա ջուր» ընկերությանը, համապատասխան աշխատակիցներն այցելել են և ջրահեռացման աշխատանքներ իրականացրել: Սակայն խնդիրը վերջնականապես չի լուծվել:
