Բնական միջոցը, որը կդադարեցնի մազաթափությունը, կվերականգնի վնասված մազերը
Մազաթափությունը լուրջ և տարածված խնդիր է, որը կարող է բազմաթիվ պատճառներ ունենալ՝ սխալ սննդակարգ, չափից շատ քիմիական և հարդարման միջոցների օգտագործում, առողջական խնդիրներ և այլն: Fithacker.ru-ի հաղորդմամբ՝ մազերի վիճակը լավացնելու համար օգտագործվում են նաև բնական միջոցներ, որոնք օգնում են ամրացնել դրանք, փայլ հաղորդել, ազատվել թեփից: Կայքն առաջարկում է կոնդիցիոների բաղադրատոմս, որը կօգնի վերականգնել վնասված մազերը:
Բաղադրիչներ
- 3 ճաշի գդալ կերակրի սոդա (եթե մազերը կարճ են, օգտագործեք 1 ճաշի գդալ սոդա)
- 3 բաժակ տաք ջուր (եթե մազերը կարճ են, օգտագործեք 1 բաժակ ջուր)
- մի բաժակ խնձորի քացախ:
Օգտագործման եղանակը
- Նախ խառնեք կերակրի սոդան և ջուրը, ապա ավելացրեք մյուս բաղադրիչները:
- Խառնուրդը քսեք մազերին: Նուրբ շարժումներով մերսեք գլխամաշկը:
- Մի քանի րոպե անց լվացեք մեծ քանակով ջրով և մի փոքր կոնդիցիոներ օգտագործեք:
Կերակրի սոդայի և խնձորի քացախի հատկությունները: Կերակրի սոդան օգնում է մաքրել գլխամաշկը՝ հեռացնելով ավելորդ ճարպը, թեփը, վերականգնելով վնասված հատվածները: Խնձորի քացախը մազերին փայլ է հաղորդում, փափկացնում, սնուցում նյութերով, որոնք անհրաժեշտ են առողջ մազեր ունենալու համար:
Նյութը հրապարակման պատրաստեց 168.am-ը
