Բաժիններ՝

«Ներկայիս իրավիճակն արտառոց է, սպասումները շատ մեծ են». տնտեսագետ

«Հայաստանի նոր կառավարությունից սպասումները մեծ դեր ունեն ոչ միայն՝ Հայաստանի Հանրապետությունում, այլև՝ ամբողջ աշխարհում։ Եթե սպասումները չարդարանան, այսինքն՝ էվոլյուցիան իրականացրեց երիտասարդությունը, որոնց տարիքը 19-23 տարեկան էր, եթե էվոլյուցիան չհամապատասխանի իրենց սպասումներին, մենք կունենանք նոր արտահոսք, մեծ հիասթափություն և անկում։ Մենք շահագրգռված ենք, որ էվոլյուցիան հաջողվի, մենք ունենանք զարգացած երկիր»,- այսօր «Հայաստանի տնտեսական քաղաքականության մարտահրավերները» թեմայով կլոր սեղան-քննարկման ժամանակ հայտարարեց «Արարատբանկի» վարչության նախագահ Աշոտ Օսիպյանը։

Ըստ նրա՝ պետք է ունենալ տնտեսական զարգացման մեկ վեկտոր, և ով գալիս է իշխանության, պետք է պետությունը տանի այդ ճանապարհային քարտեզով. «Պետք է ամեն ինչ արվի պարզ ու թափանցիկ։ Այդ ժամանակ մենք կունենանք հաջողություններ, և մեր բոլորի սպասումները կարդարանան»։

Տնտեսագետ, ՀԱԿ վարչության անդամ Վահագն Խաչատրյանի կարծիքով՝ ներկայիս իրավիճակն արտառոց է, նմանատիպ իրավիճակ կար նաև 90-ականներին, այսինքն՝ սպասումները շատ մեծ են, և դա ամենակարևորն է։

«Սպասումները միանշանակ դրական են, հատկապես՝ դրսի ներդրողների կողմից»,- ասաց Վ.Խաչատրյանը։

Ֆինանսական հնարավոր արտահոսքի վերաբերյալ տնտեսագետը նշեց, որ աշխարհում վերաբերմունքը փոխվել է, բացի օֆշորներից, և երկրներն իրենք են հսկողություն իրականացնում։

«Ես կարծում եմ՝ ձևավորված կառավարությունը խելամիտ կլինի՝ այն, ինչ խոստանում է, կիրականացնի, այսինքն՝ վհուկների որս չի լինի»,- ասաց Վ.Խաչատրյանը։

Մանրամասները՝ տեսանյութում

 

Բաժիններ՝

Տեսանյութեր

Լրահոս