ՀՀ ԱԺ քաղաքական ուժերի ներկայացուցիչները մեկնել են Արցախ
Հայաստանի խորհրդարանական բոլոր ուժերի ներկայացուցիչներն այսօր մեկնել Արցախ՝ նախագահ Բակո Սահակյանի հրավերով։ Ինչպես 168.am-ի հետ զրույցում հայտնեց «Ծառուկյան» խմբակցության պատգամավոր Միքայել Մելքումյանը, ՀՀ ԱԺ պատգամավորները հանդիպելու են Արցախի նախագահ Բակո Սահակյանի և Արցախի Հանրապետության Ազգային ժողովի պատգամավորների հետ։ Հանդիպման ընթացքում քննարկվելու է ներհայաստանյան իրավիճակը։
«Որոշակի խաղաղ համակեցության, խաղաղ հանգուցալուծման հարցերն ենք քննարկելու»,- ասաց Մ.Մելքումյանը։
«Ելք» խմբակցությունից Արցախ է մեկնել Արարատ Միրզոյանը։
«Քաղաքացիական պայմանագիր» կուսակցության վարչության փոխնախագահ Սուրեն Պապիկյանը մեզ հետ զրույցում նշեց, որ որևէ արտառոց բան չկա. «Նախատեսված է ներքաղաքական իրավիճակի քննարկում, երկու խորհրդարանների քաղաքական ուժերի հանդիպում, արտառոց որևէ բան չկա»։
