Տելեգրամի աշխատանքը վերականգվում է անսարքությունից հետո
Եվրոպայի, Մերձավոր Արևելքի և ԱՊՀ երկրներում վերականգնվում է Տելեգրամի աշխատանքը: Ինչպես փոխանցում է ТАСС-ը, այս մասին տեղեկատվություն է զետեղվել Տելեգրամի թվիթերյան միկրոբլոգում: «Մեր եվրոկլաստերում էլեկտրականությունը վերականգնվել է: Մասնագետները շարունակում են աշխատանքները։ Տելեգրամը վերականգնվում է Եվրոպայի, Մերձավոր Արևելքի և ԱՊՀ օգտատերերի համար»,-ասված է հաղորդագրության մեջ:
Ավելի վաղ հայտարարվել էր, որ մեսենջերի աշխատանքը դադարեցվել էր Ամստերդամում տեղակայված եվրոկլաստերում էլեկտրականության անջատման պատճառով:
