«Նիկոլ Փաշինյանին անձեռնմխելիությունից զրկելու հարց օրակարգում չկա». Վահրամ Բաղդասարյան
ԱԺ ՀՀԿ խմբակցության ղեկավար Վահրամ Բաղդասարյանը վստահեցնում է, որ ԱԺ պատգամավոր Նիկոլ Փաշինյանին պատգամավորական անձեռնմխելիությունից զրկելու հարց օրակարգում չկա: Այդ մասին նա ասաց խորհրդարանում լրագրողների հետ կայացած զրույցում:
«Մենք նման հարց չենք քննարկել, իսկ այդ հարցի վերաբերյալ այլ մեկնաբանությունների համար կարող եք դիմել դատախազություն»,- նշեց Բաղդասարյանը:
Լրագրողներից մեկի հարցին, թե ինքն անձամբ կողմ կքվեարկի՞ Նիկոլ Փաշինյանին անձեռնմխելիությունից զրկելու հարցին, եթե նման նախաձեռնություն լինի, Վահրամ Բաղդասարյանը խորհուրդ տվեց «եթե»-ներով չառաջնորդվել:
