Նիկոլ Փաշինյանը Հանրային ռադիոյի շենքից կոչով դիմեց մարդկանց. նրան ուղիղ եթեր չտրամադրեցին
Ինչպես հայտնել ենք, այսօր «Իմ քայլը» նախաձեռնության շրջանակում «Քաղաքացիական պայմանագիր» կուսակցության ղեկավար, ԱԺ պատգամավոր Նիկոլ Փաշինյանի հետ մի քանի տասնյակ մարդ Ֆրանիսայի հրապարակից քայլերթ էր անցկացնում Երևանի փողոցներով: Նրանք անակնկալ սկսեցին վազել դեպի «Հանրային ռադիո»-ի շենք և ներխուժեցին շենք:
Նիկոլ Փաշինյանը ուղիղ եթեր պահանջեց: Հանրային ռադիոյի լրատվական ծրագրի տնօրեն Լիլիթ Թումանյանն առաջարկեց Ն. Փաշինյանին ժամը 19:00-ին հարցազրույց ունենալ Հանրային ռադիոյի ուղիղ եթերով, սակայն Ն. Փաշինյանը հրաժարվեց: Նա Հանրային ռադիոյի շենքից կոչով դիմեց մարդկանց՝ 18:30-ին գալ և մասնակցել իրենց հանրահավաքին:
