Կառավարությունը փոխհատուցում է Մեղրիի բնակչության անհատական ոռոգման պոմպերով օգտագործած էլեկտրաէներգիայի արժեքը
Կառավարությունը 8 միլիոն 420 հազար դրամ կհատկացնի Սյունիքի մարզպետարանին:
Կառավարության նիստում Տարածքային կառավարման և զարգացման նախարար Դավիթ Լոքյանը նշեց, որ Մեղրիի տարածաշրջանի գյուղատնտեսությունը զարգացնելու և բնակչության կողմից անհատական ոռոգման պոմպերով 2016 թվականին օգտագործված էլեկտրաէներգիայի արժեքը փոխհատուցելու նպատակով այս տարվա առաջին կիսամյակում կհատկացվի 8 միլիոն 420 հազար դրամ գումար:
2015 թվականին այդ նպատակով հատկացվել է 4 միլիոն 851 հազար դրամ, 2016-ին՝ 6 միլիոն 626 հազար դրամ:
Մեղրիի տարածաշրջանի անհատական ջրհան պոմպերի էլեկտրաէներգիայի 2016 թվականի ծախսը կազմել է 168439 կվտ/ժ, ծրագրից օգտվել են Մեղրի տարածաշրջանի 76 շահառուներ:
