Նիկոլայ Կարաչենցևը շաբաթվա վերջին կմեկնի Իսրայել՝ բուժելու քաղցկեղը
Նիկոլայ Կարաչենցեւը շաբաթվա վերջին կմեկնի Իսրայել թոքի չարորակ նորագոյացության ճառագայթաբուժման համար: Մարտի 20-ին այս մասին ՏԱՍՍ-ին հայտնել է նրա որդին՝ Անդրեյ Կարաչենցեւը։
Ավելի վաղ հաղորդվել էր, որ 2017 թվականի հոկտեմբերին Նիկոլայ Կարաչենցեւի մոտ բժիշկները չարորակ ուռուցք են հայտնաբերել ձախ թոքում: Կես տարում դերասանը քիմիաբուժության վեց կուրս է ընդունել:
«Մենք պատրաստվում ենք հայրիկին տանել Իսրայել ճառագայթաբուժության: Մարտի 25-ի երեկոյան մայրիկը հայրիկի եւ բուժքրոջ հետ կմեկնեն այնտեղ»,- ասել է Անդրեյ Կարաչենցեւը: Նրա խոսքով՝ բուժընթացը կտեւի 23 օր՝ օրական կես ժամ:
