Լևոն Արոնյանի հաջորդ մրցակիցը Ադրբեջանի ներկայացուցիչ Շախրիյար Մամեդյարովն է
Հայկական շախմատի առաջատար Լևոն Արոնյանի հաջորդ մրցակիցը հավակնորդների մրցաշարում Ադրբեջանի ներկայացուցիչ Շախրիյար Մամեդյարովն է:
8-րդ տուրից հետո մրցաշարային աղյուսակի միանձնյա առաջատարը 5,5 միավորով Ֆաբիանու Կարուանան է: 5 միավոր ունի Շախրիյար Մամեդյարովը: 3-րդ տեղում 4,5 միավորով Ալեքսանդր Գրիշչուկն է: Դին Լիժենն ունի 4 միավոր: Կրամնիկը և Կարյակինը` 3,5, իսկ Արոնյանը և Սոն` 3 միավոր:
9-րդ տուրում միմյանց դեմ կխաղան հետևյալ զույգերը` Սո-Գրիշչուկ, Կարուանա-Լիժեն, Արոնյան-Մամեդյարով, Կարյակին-Կրամնիկ:
14 տուրի ընթացքում շախմատիստները միմյանց հետ կխաղան երկուական անգամ` սպիտակ և սև խաղաքարերով: Գրոսմայստերները կունենան 4 հանգստյան օր: Հաղթողն իրավունք կստանա մրցամարտ անցկացնել աշխարհի չեմպիոն Մագնուս Կարլսենի հետ, որը կկայանա նոյեմբերի 9-28-ին Լոնդոնում:
