Խորագիր:

Հայկական մշակույթը շարունակում է ազդել Քիմ Քարդաշյանի վրա. Life&Style-ի անդրադարձը

Հայկական մշակույթը շարունակում է ազդել Քիմ Քարդաշյանի վրա. Life&Style-ի անդրադարձը

Թեպետ Քիմ Քարդաշյանը ծնվել և մեծացել է Հարավային Կալիֆորնիայում, սակայն նրա երակներում հայկական արյուն է հոսում: Ռեալիթի շոուների աստղը բազմիցս բարձրաձայնել է այն մասին, թե որքան կարևոր է հայկական մշակույթն իր համար: Կարևոր չէ, թե որքան հայտնի է նա դարձել. Քիմը երբեք չի մոռացել, թե ով է:

Այս մասին գրում է ամերիկյան Life&Style ամսագիրը «Ահա թե ինչպես է Քիմ Քարդաշյանի հայկական մշակույթը շարունակում ազդել նրա վրա» խորագրով հոդվածում:

Ամսագիրը գրում է, որ 2017 թվականի հոկտեմբերին իր ծննդյան տոնի կապակցությամբ Քիմն ընտանիքի անդամներին և ընկերներին հավաքել էր Լոս Անջելեսի Carousel ռեստորանում, որը հայտնի է իր հայկական և լիբանանյան խոհանոցով: «Հայկական ռեստորանը նրա ընտանիքի սիրելի վայրերից է դեռևս այն ժամանակվանից, երբ նա փոքր աղջիկ էր: Նա ոգևորված էր ստանալու «հայկական ոճի» սպիտակ տորթ, որի վրա հատուկ առիթի կապակցությամբ դրված էր նրա լուսանկարը»,- գրում է Life&Style-ը:

Ամսագիրը նշում է, որ հայ լինելը աստղի համար այդուհանդերձ ավելին է, քան պարզապես սնունդ վայելելը: Life&Style-ը հիշեցնում է, թե ինչպես 2016 թվականին նա բաց նամակ հրապարակեց Time պարբերականում՝ տարածելով իրազեկվածություն Հայոց ցեղասպանության հարցում:

Պարբերականը գրում է նաև, որ 2015 թվականին Քիմն իր քույրերի հետ այցելեց Հայաստան, եղավ Հայոց ցեղասպանության հուշահամալիրում, որտեղ հարգանքի տուրք մատուցեց ցեղասպանության զոհերին: «Ես և քույրս փորձում ենք իրազեկվածություն բերել ոչ միայն Հայոց ցեղասպանության, այլև ընդհանրապես ցեղասպանությունների և մարդկային կոտորածների վերաբերյալ: Իմացությունն ուժ է: Մենք սիրում ենք այն, որ Քարդաշյանները երբեք չեն մոռանում իրենց ով լինելը»,- այցի վերաբերյալ ասել էր Քլոե Քարդաշյանը:

Kim's birthday party 🎉 🎂#kimkardashian @kimkardashian

A post shared by Kim Kardashian Snapchats 🍑 (@kimksnapchats) on

Գովազդ
Լրահոս
Ամենաընթերցված
ՕրվաՇաբաթվաԱմսվա
2017-11-28
Ի՞նչ կտա Հայաստանի սովորական քաղաքացիներին ՀՀ-ԵՄ համաձայնագիրը
Հայաստանում Եվրոպական միության պատվիրակության ղեկավար, Արտակարգ և լիազոր դեսպան Պյոտր Սվիտալսկին երեկ լրագրողների հետ հանդիպման ընթացքում խոսեց Հայաստան-Եվրոպական միություն նոր համաձայնագրի մասին։