«Նորք» ինֆեկցիոն հիվանդանոցի ժամանակավոր պաշտոնակատար է նշանակվել փոխտնօրենը
ՀՀ առողջապահության նախարարության «Նորք» ինֆեկցիոն կլինիկական հիվանդանոցը ժամանակավոր պաշտոնակատար ունի` Էդուարդ Զարդարյանը: Նա զբաղեցնում էր հիվանդանոցի փոխտնօրենի պաշտոնը:
ՀՀ գլխավոր ինֆեկցիոնիստ, «Նորք» ինֆեկցիոն կլինիկական հիվանդանոցի տնօրեն Արա Ասոյանը մահացել է մարտի 3-ին: Դեպքը տեղի է ունեցել աշխատավայրում: Գլխավոր ինֆեկցիոնիստը մահացել է ինֆարկտից: Նա 65 տարեկան էր:
Բուժհաստատության տնօրենի թափուր պաշտոնը լրացվում է ՀՀ առողջապահության նախարարության կողմից հայտարարվող մրցույթով:
