Ավտոմեքենաներն արգելափակվել են ձյան շերտում
Հունվարի 14-ին, ժամը 23:14-ին ահազանգ է ստացվել, որ Կոտայքի մարզի Ծաղկաձոր քաղաքի «Golden Palace» հյուրանոցի մոտակայքում ավտոմեքենան արգելափակվել է ձյան շերտում․ դուրս բերելու համար անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Փրկարարներն արգելափակումից դուրս են բերել «Toyota Land Cruiser Prado» մակնիշի 001 AO 01 պետհամարանիշի ավտոմեքենան
***
Հունվարի 14-ին, ժամը 20:03-ին ահազանգ է ստացվել, որ Գորիս-Վերիշեն ավտոճանապարհի 8-րդ կմ-ին մերկասառույցի պատճառով ավտոմեքենա է արգելափակվել. դուրս բերելու համար անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Փրկարարներն արգելափակումից դուրս են բերել «ВАЗ-2105» մակնիշի 35 ST 814 պետհամարանիշի ավտոմեքենան և ուղեկցել քաղաք Գորիս:
