Իտալիայում 48 մարդ է ձերբակալվել Նդրանգետա մաֆիական խմբավորման հետ կապի համար
Իտալիայի ոստիկանությունը 48 մարդ է ձերբակալել կալաբրիական Նդրանգետա մաֆիական հանցավոր խմբավորման դեմ իրականացվող գործողության շրջանակներում: Այդ մասին հայտնել են Հռոմի զանգվածային լրատվամիջոցները:
Գործողությունն իրականացվել է Կալաբրիայի մարզում ոստիկանների կողմից՝ կարաբիներների հետ համատեղ, այն համակարգում է մաֆիայի դեմ պայքարի օկրուգային վարչությունը: Ձերբակալվածներին կասկածում են հանցավոր նախահամաձայնության գալու, շորթումների, վնաս պատճառելու, ապօրինի արժեքներ տեղափոխելու եւ ապօրինի զենք կրելու մեջ:
Ոստիկանությունը կալանքի տակ է թողել 44 ձերբակալվածների, եւս չորսը գտնվում են տնային կալանքի տակ: Գործողության շրջանակներում կատարվում են խուզարկություններ, որոնց ընթացքում քննիչներն արդեն 25 միլիոն եվրոյի արժեքներ են առգրավել, հաղորդել է «Ինտերֆաքս»-ը:
