Կատալոնիայի խորհրդարանի՝ անկախությանը կողմ քվեարկելու որոշումը հանդիսանում է հանցավոր գործունեություն:
Թուրքիայի Վան նահանգի Էրչիշ (Արճեշ) շրջանի 7-րդ դարին հիմնադրված Արծվաբեր վանքը վերացման եզրին է: Ըստ թուրքական «Gazetekarinca» լրատվամիջոցի՝ գանձագողերի թիրախում հայտնված վանքը օր օրի ավելի է ավիրվում, իսկ մոտակայքում ապրող բնակիչները այն վերածել են աղբավայրի:
Լեհ հարձակվողը դեմ չի լինի փոխել ակումբը: Լևանդովսկին հիասթափված է մյունխենցիների տրանսֆերային քաղաքականությունից և մտադիր է փոխել «Բավարիան» թիմով, որն ընդունակ է հաղթել Չեմպիոնների լիգան:
ՀՀ գլխավոր դատախազության պետական շահերի պաշտպանության վարչությունում իրականացված ուսումնասիրության արդյունքում պարզվել է, որ «Հայանտառ» ՊՓԲ ընկերության, «ՀՀ ԳԱԱ Բուսաբանության ինստիտուտ» ՊՈԱԿ-ի և Ամերիկահայ Ճարտարագետների և Գիտնականների Ընկերակցության միջև 2002թ. կնքված պայմանագրով «ՀՀ ԳԱԱ Բուսաբանության ինստիտուտ» ՊՈԱԿ-ը պարտավորվել է ապահովել Ամերիկահայ Ճարտարագետների և Գիտնականների Ընկերակցության ներդրումներով 1998թ. հիմնադրված 20 հա, 1999թ. հիմնադրված 30 հա արագաճ բարդու գիտափորձարարական տնկադաշտերի, 0,5 հա մայր տնկարանի ինչպես նաև 2001թ. հիմնադրված հիբրիդային բարդիների հավաքածուների պահպանությունը, պաշտպանությունը և խնամքի աշխատանքների կազմակերպումը:
«Ատլետիկոյի» բելգիացի ֆուտբոլիստ Յանիկ Կարասկոն կասկածում է մրցակցի երկրպագուների աջակցությանը: «Ատլետիկոյի» կիսապաշտպանը կիսվել է թիմի երկրպագուների մասին մտքերով:
Աշնանային սննդակարգում պետք է լինեն վառ գույներով մթերքներ՝ գազար, մրգեր, ցիտրուսներ։ Այս մասին լրագրողների հետ զրույցում ասաց բժիշկ-դիետոլոգ Վարդանուշ Պետրոսյանը։
Հայաստանի Հանրապետությունում կամավորական գործունեության և կամավոր աշխատանքին վերաբերող նոր օրենսդրական կարգավորումներ են մշակվել: Հանրային ռադիոյի «Ձեր փաստաբանը» հաղորդման շրջանակներում այս մասին խոսել է ՀՀ աշխատանքի և սոցիալական հարցերի նախարարության աշխատանքի և զբաղվածության վարչության պետ Ժորա Սարգսյանը:
Գործարքը կարող է կատարվել արդեն հունվարին: «Պորտուն» ուզում է բաժանվել դարպասապահից, որպեսզի փոքրացնի աշխատավարձի ցուցակը: Ինչպես հաղորդում է Liverpool Echo-ն, որպեսզի ստիպեն Կասիլիասին հեռանալ ակումբից, «Պորտուի» գլխավոր մարզիչը ղեկավարության խնդրանքով իսպանացուն նստեցրել է փոխարինողների նստարանին:
Նոյեմբերին շարունակում է փոքրանալ արեգակի բարձրությունը հորիզոնից և հետևաբար ցերեկվա տևողությունը: Արևափայլի տևողությունն ամսվա ընթացքում կազմում է 120-160 ժամ: Պարզ օրերի թիվը զգալիորեն պակասում է (5-6օր):
Միջազգային տարբեր առաքելությունների, այդ թվում` ՄԱԳԱՏԷ-ի փորձագետները չեն կարող բացարձակ երաշխիքներ տալ, որ ատոմակայանի աշխատանքը 100 տոկոսով անվտանգ է, բայց նրանք կարող են անվտանգությունը բարելավող խորհուրդներ տալ: Այս մասին լրագրողների հետ հանդիպմանն ասաց Ատոմային էներգետիկայի անվտանգության խորհրդի նախագահ Միրոսլավ Լիպարը` պատասխանելով հարցին, թե ինչպես է գնահատում Հայաստանի ատոմային էլեկտրակայանի ներկայիս վիճակը:
Հոկտեմբերի 27-ին ՀՀ պաշտպանության նախարար Վիգեն Սարգսյանը ԵԿՄ նախագահ Մանվել Գրիգորյանի, ՀՀ ՊՆ, ԶՈՒ և ԶՈՒ ԳՇ ղեկավար կազմի, հասարակական կազմակերպությունների ներկայացուցիչների և ազատամարտիկների ուղեկցությամբ այցելել է «Եռաբլուր» պանթեոն և հարգանքի տուրք մատուցել սպարապետ Վազգեն Սարգսյանի հիշատակին:
«Ես հողին կպած մարդ եմ ու հրաշալի հասկանում եմ, որ ձևականորեն կձևակերպվի, թե մարդը բանակում ծառայել է, ինչպես այսօր է դա լինում: Մարդիկ իրենց ժամանակն անցկացնում են Երևանի փաբերում ու դիսկոտեկներում, բայց ձևակերպվում է, թե բանակում են ծառայում»,- այսօր լրագրողների հետ հանդիպման ընթացքում անդրադառնալով «Զինծառայության և զինծառայողի կարգավիճակի մասին» օրենքում փոփոխության և տարկետման իրավունքի վերացման մասին նախագծին՝ նման տեսակետ հայտնեց Երևանի Հ. Թումանյանի անվան պետական տիկնիկային թատրոնի տնօրեն և գեղարվեստական ղեկավար Ռուբեն Բաբայանը:
ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնում քննվող քրեական գործով միջոցներ են ձեռնարկվում՝ պարզելու քաղաքացու՝ գողացված բանկային քարտով գումարի կանխիկացման փորձ կատարած անձի ինքնությունը։
Թուրքիայի նախագահ Ռեջեփ Թայիփ Էրդողանը հոկտեմբերի 30-31-ը կմեկնի Ադրբեջան՝ մասնակցելու Բաքու-Թբիլիսի-Կարս երկաթգծի բացման արարողությանը, ինչպես նաև Ադրբեջան-Թուրքիա բարձր մակարդակի ռազմավարական համագործակցության խորհրդի 6-րդ նիստին:
Ապրիլյան պատերազմի ժամանակ զոհվածների ծնողներն այսօր լրագրողների հետ հանդիպման ընթացքում ներկայացրին իրենց դժգոհություններն ու պահանջները: 2016թ. ապրիլի 4-ին Արցախում զոհված Արամայիս Միքայելյանի մայրը՝ Լիլիթ Ավագյանը, ասաց, որ այս 1,5 տարվա ընթացքում այնքան խնդիրներ են կուտակվել, որ չգիտի՝ որից սկսել.
Հնդկաստանի հարյուր հազարավոր ընտանիքներ այս օրերին մասնակցում են Չխաթ Փուջե տոնին, որը նվիրված է Արեգակի աստված Սուրիեին:
Դատական պրակտիկայում հանդիպում են դեպքեր, երբ դատավորի՝ այլ վարչական շրջանի դատարանի շենքում դատավարությունն անցկացնելու ժամանակ, անհրաժեշտություն է առաջանում փաստաթղթերը (միջնորդություններ, դիմումներ) հանձնել գործը քննող դատավորին՝ գրասենյակի միջոցով։ Ըստ գործավարության կանոնների փաստաբանի կողմից նշված փաստաթուղթը պետք է հանձնվի գործը քննող դատարանի գրասենյակ։
«Մենք ապրում ենք շատ բարդ տարածաշրջանում: Դա չի նշանակում, որ մենք պետք է տկար լինենք»:
«Ապրիլյան պատերազմն ապացուցեց, որ 18 տարեկան երիտասարդները պատրաստ են հանուն հայրենիքի կյանքն էլ տալ, բայց դա չի նշանակում, որ մենք պետք է նրանց օգտագործենք»,- այսօր լրագրողների հետ հանդիպման ընթացքում այս մասին ասաց «Արշակ Դաբաղյանի անվան Մայր Մանե» հ/կ նախագահ Մանուշակ Ստեփանյանը:
ՀՀ քննչական կոմիտեի Լոռու մարզային քննչական վարչությունում հարուցվել է քրեական գործ՝ «Ախթալայի ԼՀԿ» ՓԲ ընկերության Շամլուղի հանքի հորատանցման աշխատանքներ կատարող անձի մահվան դեպքի առթիվ:
Ռուսաստանը պաշտոնապես թույլատրել է թուրքական լոլիկի ներկրումը գյուղատնտեսության նախարարության կողմից հաստատված ծավալի սահմաններում:
Օրենսդրական ոլորտի, կառավարման և քաղաքականության մշակման երիտասարդ մասնագետների (Professional Fellows Program/PFP) ծրագիրը հովանավորում է ԱՄՆ-ի Պետքարտուղարության կրթական եւ մշակութային գործերի բաժինը:
Հոկտեմբերի 27-ին, ժամը 11:53-ին տեղեկություն է ստացվել, որ Երևան-Երասխ ավտոճանապարհին՝ Դիմիտրով գյուղի կամրջի մոտակայքում, տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:
«Միասին «այո» կոալիցիան եւ «Թեկնածուներ հանուն ժողովրական միասնության» կուսակցությունը Կատալոնիայի խորհրդարանում առաջարկություն են գրանցել հանրապետության ստեղծման վերաբերյալ:
Հոկտեմբերի 28-ին` օրվա երկրորդ կեսին, հոկտեմբերի 29-ի գիշերը, նոյեմբերի 1-ին շրջանների զգալի մասում, հոկտեմբերի 30-31-ը արևմտյան շրջաններում սպասվում է անձրև և ամպրոպ, առանձին շրջաններում՝ քամու ուժգնացում՝ 15-20մ/վ արագությամբ:
«Չգիտեմ՝ ում համար է մութ մնացել, ինձ համար ոչ մի մութ բան չկա»,- այսօր լրագրողների հետ հանդիպման ժամանակ խոսելով 1999 թվականի հոկտեմբերի 27-ին Ազգային ժողովում տեղի ունեցած ահաբեկչության մասին՝ ասաց Արցախի Հանրապետության մշտական ներկայացուցչության խորհրդական-խորհրդատու Գառնիկ Իսագուլյանը:
Նախագահ Սերժ Սարգսյանն այսօր Կառավարության ընդունելությունների տանը հանդիպում է ունեցել Նախագահին կից ատոմային էներգետիկայի անվտանգության խորհրդի (ԱԷԱԽ) նորանշանակ նախագահ, Ատոմային էներգիայի միջազգային գործակալության և Միջուկային օպերատորների համաշխարհային ասոցիացիայի ավագ խորհրդական Միրոսլավ Լիպարի հետ, ով Հայաստան է ժամանել ՀՀ Նախագահին կից ԱԷԱԽ հերթական՝ 15-րդ նիստին մասնակցելու նպատակով:
Հոկտեմբերի 27-ին, ժամը 12:05-ին ահազանգ է ստացվել, որ հրդեհ է բռնկվել Երևան քաղաքի Երվանդ Քոչարի փողոցում գտնվող շինանյութի խանութում. կրակը տարածվել է մոտակա բենզալցակայան:
Հաշվի առնելով ընտանեկան բռնության խնդրի կարևորությունը, ինչպես նաև հանրության շրջանում բուռն քննարկումների առիթ դարձած «Ընտանեկան բռնությունների կանխարգելման և ընտանեկան բռնությունների զոհերի պաշտպանության մասին» ՀՀ օրենքի նախագիծը՝ Հանրային խորհուրդը ս.թ. հոկտեմբերի 19-ին հարցը քննարկման է դրել իր լիագումար նիստում: Քննարկմանը մասնակցել են նաև պետական ու հասարակական կառույցների շահագրգիռ ներկայացուցիչներ:
«Կարծում եմ՝ այդ քննարկումների ժամանակ նախարարի կոշտ պատասխանը որոշ պատգամավորների՝ օրինագծի վերաբերյալ արված հայտարարություններին, շատ տեղին էր»,- այսօր տեղի ունեցած ասուլիսում նման տեսակետ հայտնեց Հայաստանի Հանրապետությունում Արցախի Հանրապետության մշտական ներկայացուցչության խորհրդական-խորհրդատու Գառնիկ Իսագուլյանը՝ խոսելով «Զինվորական ծառայության և զինծառայողի կարգավիճակի մասին» օրենքի նախագծի քննարկումների մասին:
