«Ռ-Էվոլյուցիա» հաղորդաշարի հյուրը Արսեն Քարամյանն է
Ժողովրդագրական խնդիրը Հայաստանի առջև ծառացած ամենակենսական հիմնահարցերից մեկն է։ Արտագաղթի բարձր ցուցանիշներն ու ամուսնությունների, ծնելիության մակարդակի նվազումը տարեցտարի հանգեցնում են բնակչության թվաքանակի կրճատմանը։ Շատերն այն ազգային անվտանգության խնդիր են համարում։ Պետությունը տարբեր ծրագրերով փորձում է նպաստել ժողովրդագրական իրավիճակի բարելավմանը։ Դրանցից մեկն էլ «Մատչելի բնակարան երիտասարդ ընտանիքներին» ծրագիրն է, որն իրականացվում է բավական տևական ժամանակ։ Որքանով են այս և նման ծրագրերն ազդում դեմոգրաֆիական իրադրության բարելավման վրա, ինչ նախագծեր են նախատեսվում առաջիկայում երիտասարդ ընտանիքների համար։ Այս հարցերի շուրջ է «Արմենիա» հեռուստաընկերության «Ռ-Էվոլյուցիա» հաղորդաշարում Սաթիկ Սեյրանյանի զրույցը ՀՀ սպորտի և երիտասարդության հարցերի փոխնախարար Արսեն Քարամյանի հետ։
