«Պերիշիչի գալով՝ Մխիթարյանը, Ռեշֆորդը և Մարսիալը ստիպված կլինեն ավելի շատ աշխատել». Գիգս
Ռայան Գիգսը, ով «Մանչեսթեր Յունայթեդի» լեգենդար ֆուտբոլիստներից է, խոսելով անգլիական ակումբի տրանսֆերային քաղաքականության մասին՝ նշում է, որ թիմը հաջողությամբ կարող է համալրել Միլանի «Ինտերի» կիսապաշտպան Իվան Պերիշիչը:
Ըստ Գիգսի՝ Պերիշիչը կստիպի թիմի մի շարք ֆուտբոլիստների ավելի շատ աշխատել՝ մեկնարկային կազմում տեղ ունենալու համար:
«Պերիշիչի գալով՝ Մխիթարյանը, Ռեշֆորդը և Մարսիալը ստիպված կլինեն ավելի շատ աշխատել: Սա դրական կազդի այս ֆուտբոլիստների մարզավիճակի վրա:
Նա թիմ կբերի մրցակցություն, ինչը շատ կարևոր է թե՛ ֆուտբոլիստների, թե՛ երկրպագուների համար
Կարծում եմ՝ Պերիշիչը պետք է թիմին»,- նշել է Գիգսը:
Սիրարփի Աղաբաբյան
