«Մի քանի բնակելի տներ են վնասվել, մեր մանկապարտեզի շենքն է վնասվել». Չինարիի գյուղապետ
Հուլիսի 20-ին հակառակորդի կողմից կրկին թիրախավորվել է Տավուշի մարզի Չինարի գյուղը: 168.am-ի հետ զրույցում Չինարիի գյուղապետ Սամվել Սաղոյանը ներկայացրեց, թե ինչ վնասներ է կրել գյուղն այդ կրակոցներից։
«Մի քանի բնակելի տներ են վնասվել, մեր մանկապարտեզի շենքն է վնասվել, անհատ ֆերմերի անասնագոմն է վառվել։ Փառք Աստծո, որևէ մարդ չի վնասվել»,- նշեց նա։
Գյուղապետը նշեց, որ այս պահին կրակոցներ չկան, իրավիճակը հանգիստ է։
Հիշեցնենք, որ «Փաստինֆո»-ի տեղեկություններով՝այդ ամենից բացի, հակառակորդի դիպուկահարը թիրախավորել է 17-ամյա մի պատանու, սակայն երիասարդը, ով մեծացել է այդ կրակոցների ներքո և կոփված է եղել, կարողացել է թաքնվել՝ ինչի արդյունքում կրակոցները պատանուն չեն դիպել:
