Հակառակորդը կրկին թիրախավորել է Չինարին. երիտասարդին հաջողվել է թաքնվել հակառակորդի դիպուկահարից
Հուլիսի 20-ին հակառակորդի կողմից կրկին թիրախավորվել է Տավուշի մարզի Չինարի գյուղը:
«Փաստինֆո» -ի տեղեկություններով՝ կրակոցներ են արձակվել բնակավայրերի և Չինարի գյուղի մանկապարտեզի ուղղությամբ:
Այդ ամենից բացի, հակառակորդի դիպուկահարը թիրախավորել է 17-ամյա մի պատանու, սակայն երիասարդը, ով մեծացել է այդ կրակոցների ներքո և կոփված է եղել, կարողացել է թաքնվել՝ ինչի արդյունքում կրակոցները պատանուն չեն դիպել:
Սակայն, մեր տեղեկություններով, գյուղի բնակիչների տների և մանկապարտեզի ուղղությամբ արձակված կրակոցների հետևանքով գյուղացիները նյութական վնասներ են կրել:
