«Մանչեսթեր Յունայթեդը» հետաքրքրվում է Ռենատու Սանշեշով
«Բավարիայի» կիսապաշտպան Ռենատու Սանշեշը գրավել հերթական թոփ-ակումբի ուշադրությունը: Ինչպես հաղորդում է The Guardian-ը, 19-ամյա պորտուգալացու ձեռքբերման հնարավորությունը դիտարկում է ոչ միայն «Միլանը», այլ նաև «Մանչեսթեր Յունայթեդը»:
Մանկունյանցիները 48 մլն եվրո գնահատված Սանշեշով սկսեցին հետաքրքրվել «Տոտենհեմի» կիսապաշտպան Էրիկ Դայերի տրանսֆերի ձախողումից հետո:
Ավելի վաղ հայտնի էր դարձել, որ «Բավարիան» մերժել է 2 տարով 7 մլն եվրոյով Սանշեշին վարձավճարով տալ «Միլանին»:
1 տարի առաջ «Բավարիան» Սանշեշին գնել է «Բենֆիկայից» 35 մլն եվրոյով: Բոնուսների հետ արժեքը կարող է բարձրանալ մինչև 80 մլն եվրո:
Պատրաստեց Անի Գաբուզյանը
