Աբրամովիչը տվել է իր համաձայնությունը Մատիչի՝ «Չելսիից» «Մանչեսթեր Յունայթեդ» տեղափոխվելու վերաբերյալ
Ինչպես տեղեկացնում է The Telegraph-ը, «Չելսիի» սեփականատեր Ռոման Աբրամովիչը տվել է իր համաձայնությունը, որպեսզի «կապույտների» կիսապաշտպան Նեմանյա Մատիչը տեղափոխվի «Մանչեսթեր Յունայթեդ»: Սերբիայի հավաքականի 28-ամյա ֆուտբոլիստի համար մանկունյանցիները կվճարեն 50 մլն ֆունտ: Մատիչի ձեռքբերման համար անձամբ պնդել է «Մանչեսթեր Յունայթեդի» գլխավոր մարզիչ Ժոզե Մոուրինիոն, ով լավ ծանոթ է սերբի հնարավորություններին:
Մատիչի պայմանագիրը «Չելսիի» հետ գործում է մինչև 2018 թվականը:
Ավելի վաղ հաղորդվել էր, որ սերբ ֆուտբոլիստը մարզվում է «Չելսիի» ընդհանուր խմբից առանձին և ուզում է տեղափոխվել Մանչեսթեր:
Պատրաստեց Անի Գաբուզյանը
