Ուկրաինան և Վրաստանը համաձայնություն են ձեռք բերել ուժեղացնելու համագործակցությունը պաշտպանական ոլորտում
Ուկրաինան եւ Վրաստանը կուժեղացնեն երկկողմ համագործակցությունը պաշտպանական ոլորտում: Վրաստանի պաշտոնակցի հետ բանակցությունների արդյունքներով հուլիսի 18-ին այս մասին հայտարարել է Ուկրաինայի նախագահ Պյոտր Պորոշենկոն:
«Շատ գաղափարներ կան այն մասին, թե ինչպես իրականացնել այդ համագործակցությունը: Դրանցից մեկը երկու երկրների զինված ուժերի համատեղ զինավարժանքներն են ինչպես Վրաստանում, այնպես էլ Ուկրաինայում: Մենք պատրաստ ենք միմյանց հետ կիսել կուտակված փորձը»,- Թբիլիսիում կայացած մամուլի ասուլիսում ճշտել է Ուկրաինայի պետության ղեկավարը:
Պորոշենկոն հուլիսի 17-ին Վրաստան է ժամանել պետական այցով: Ավելի վաղ կողմերն ստորագրել են ռազմավարական գործընկերության հռչակագիր, ինչպես նաեւ կրթության բնագավառում համագործակցության համաձայնագիր, հաղորդել է ՏԱՍՍ-ը:
