«Իրանը հրթիռային զինանոցը կօգտագործի սոսկ ինքնապաշտպանության նպատակով». Զարիֆ
Իրանն իր հրթիռային զինանոցի օգտագործմանը կդիմի սոսկ ինքնապաշտպանության նատակով եւ եթե խոսքը վերաբերի երկրի անվտանգության սպառնալիքին: Հուլիսի 17-ին այս մասին հայտարարել է Իրանի արտաքին գործերի նախարար Մոհամադ Ջավադ Զարիֆը՝ ելույթ ունենալով Նյու Յորքի Միջազգային հարաբերությունների խորհրդում։
«Հրթիռները մեր պաշտպանության հիմքն են,- նշել է ԱԳ նախարարության ղեկավարը:- Մենք երբեք դրանք չենք օգտագործի բացի որպես ինքնպաշտպանության միջոց»: «Մեր հրթիռները մեզ անհրաժեշտ են, որպեսզի համոզվենք, որ հերթական Սադամ Հուսեյնը հարված չի հասցնի մեզ»,- նշել է Զարիֆը:
Ըստ որում Իրանի արտաքին քաղաքական գերատեսչության ղեկավարն ընդգծել Է, որ Թեհրանը չի մշակում հրթիռներ, որոնք ունակ լինեն միջուկային մարտալիցք կրելու: «Մենք միջուկային մարտագլխիկներ չունենք»,- ընդգծել է նա, հաղորդել է ՏԱՍՍ-ը:
