ԱՄՆ-ում կայծակի հարվածից չորս մարդ է տուժել
ԱՄՆ Հարավային Կարոլինա նահանգում ծովափին խփած կայծակի հետևանքով տուժել է չորս մարդ, այդ թվում և փոքրահասակ երեխա: Այս մասին հայտնում է Associated Press-ը:
Տուժածներին անհետաձգելի բժշկական օգնություն են ցուցաբերել: Հաղորդվում է, որ նրանց կյանքին ոչինչ չի սպառնում:
Երեք մեծահասակների մարմնի վրա կայծակի հարվածից կարմիր գծեր են առաջացել, իսկ երեխան ստացել է գլխի վնասվածք, քանի որ մեծահասակներից մեկը, ով երեխային գրկած է եղել, շանթահարումից նրան ցած է գցել:
