Արիզոնայում որմզդեղնը իր ձագին փրկել Է արջի ճիրաններից
ԱՄՆ-ի Արիզոնայի նահանգում որմզդեղնը հարձակվել է արջի վրա՝ նրանից պաշտպանելու իր ձագուկին: Ականատեսները դրա մասին տեսանյութ են նկարահանել:
Փոքրիկ որմզդեղնը սկզբում գրեթե չի երեւում, լսվում է միայն, թե ինչպես է նա ծվծվում: Արջը մի քանի անգամ փորձում է մոտենալ ձագին, բայց նրա մոր սեւեռուն հայացքի ներքո չի համարձակվում:
Ինչ-որ մի պահի որմզդեղնը շրջվում է, եւ այդ ժամանակ արջը ուժ է կիրառում, թեեւ հեռվից այնքան էլ հասկանալի չէ, թե հատկապես ինչ է նա անում: Մայրը փրկում է ձագին՝ նետվելով գիշատչի վրա: Արջն իսկույն բաց է թողնում իր «զոհին» եւ ապաստան գտնում ծառի վրա: Դրանից հետո որմզդեղնն ու իր ձագը հեռանում են, հաղորդել է ՌԻԱ Նովոստին:
