Թուրքիայում իտալացի լրագրող է ձերբակալվել
Իտալական հեղինակավոր La Repubblica պարբերականի 35-ամյա թղթակից Գաբրիել դել Գրանդեն Թուրքիայի Հաթայ նահանգում դեռևս անհայտ պատճառներով ձերբակալվել է: Այս մասին հայտնում է «Ակոս»-ը:
Իտալիայի իշխանությունները, որոնք հետևում են իրենց քաղաքացու դրությանը, քայլեր են ձեռնարկում նրան ազատ արձակելու նպատակով: Գաբրիել դել Գրանդեն ժամանել էր Թուրքիա` պատրաստելու ռեպորտաժներ Սիրիայի ներքին պատերազմի և «Իսլամական պետություն» խմբավորման առաջացման մասին հրատարակվելիք գրքի վերաբերյալ:
